யஷ் நடிக்கும் ‘Toxic’ படத்தின் தயாரிப்பாளர் மீது வழக்குப்பதிவு..!!

பிரபல கன்னட நடிகர் யஷ் நடிப்பில் Toxic திரைப்படம் விறுவிறுப்பாக உருவாகி வரும் நிலையில் தற்போது இப்படத்தின் தயாரிப்பாளர் மீது வழக்குப்பதிவு செய்யப்பட்டுள்ளதாக தகவல் வெளியாகி உள்ளது.

KGF என்ற படத்தின் மூலம் ஒட்டு மொத்த திரையுலகையும் திரும்பி பார்க்க வைத்த யஷ் நடிப்பில் தற்போது பிரம்மாண்டமாக உருவாகி வரும் திரைப்படமே Toxic . கீது மோகன்தாஸ் இயக்கி வரும் இப்படத்தில் யஷ் உடன் இணைந்து ஏராளமான திரைநட்சத்திரங்கள் ஒப்பந்தமாகி நடித்து வருகின்றனர்.

இந்நிலையில் தற்போது Toxic படத்தின் தயாரிப்பாளர் மீது வழக்குப்பதிவு செய்யப்பட்டுள்ளதாக தகவல் வெளியாகி உள்ளது.

சட்ட விரோதமாக நூற்றுக்கணக்கான மரங்களை வெட்டியதாக TOXIC படத்தின் தயாரிப்பாளர் மீது கர்நாடக வனத்துறை வழக்குப்பதிவு செய்துள்ளது.

பெங்களூருவில் உள்ள பாதுகாக்கப்பட்ட வனப்பகுதியில், படப்பிடிப்பு நடத்தும்போது மரங்கள் வெட்டப்பட்டது தெரியவந்ததையடுத்து அம்மாநில வனத்துறை அமைச்சர் ஈஸ்வர் கண்ட்ரே ஆய்வு செய்து நடவடிக்கை எடுத்துள்ளதாக தகவல் வெளியாகி உள்ளது.