“LCU கதையே இனிமேல்தான் ஆரம்பமாகப்போகுது..! லோகேஷின் திட்டத்தை பற்றி சொன்ன நடிகர்!”

இயக்குனர் லோகேஷ் கனகராஜ் திரைப்படம் என்றாலே LCU காட்சிகள் இருக்கும் என்று ரசிகர்கள் எதிர்பார்க்கத் தொடங்கிவிட்டனர். ’லியோ’ படத்தில் கூட LCU இருக்கும் என்று எதிர்பார்த்த நிலையில் ஜார்ஜ் கேரக்டர் மட்டுமே இருந்ததால் ரசிகர்கள் அதிருப்தி அடைந்தனர். ஆனால் லோகேஷ் கனகராஜ் இயக்க இருக்கும் ’கைதி 2’ படம் ஒரிஜினல் LCU படமாக இருக்கும் என்று நடிகர் நரேன் சமீபத்தில் அளித்த பேட்டியில் கூறியுள்ளார்.

மேலும் கனகராஜ் உடன் இணைந்து நாங்கள் பத்து நிமிட குறும்பட வீடியோ ஒன்றை உருவாக்கியுள்ளோம் என்றும் ’கைதி 2’ ரிலீசுக்கு முன்னர் அந்த குறும்படம் வெளியாகும் என்றும் ஓடிடி அல்லது யூடியூபில் அந்த வீடியோவை வெளியிட திட்டமிட்டு உள்ளோம் என்றும் குறிப்பிட்டுள்ளார்.

இதுதான் ஒரிஜினல் LCU என்று சொல்லும் அளவுக்கு அந்த வீடியோ இருக்கும் என நடிகர் நரேன் அந்த பேட்டியில் கூறி இருப்பது பரபரப்பு ஏற்படுத்தி உள்ளது. இந்த வீடியோவில் விக்ரம், கைதி, லியோ படத்தின் கேரக்டர்களின் LCU காட்சிகள் இருக்கும் என்றும் எதிர்பார்க்கப்படுகிறது.

இதனை அடுத்து அந்த பத்து நிமிட வீடியோ எப்போது வெளியாகும் என்று ரசிகர்கள் ஆவலுடன் எதிர்பார்த்து காத்திருக்கின்றனர். ‘லியோ’ படத்திற்கு பின் இயக்குனர் லோகேஷ் கனகராஜ், சூப்பர் ஸ்டார் ரஜினிகாந்த் நடிக்கவிருக்கும் ‘தலைவர் 171’ படத்தை இயக்கவுள்ளார் என்பதும், இந்த படத்தின் படப்பிடிப்பு அடுத்த ஆண்டு தொடங்கவுள்ளது என்பதும் குறிப்பிடத்தக்கது.

Origin of #LCU – In an interaction, @itsNarain reveals that he and @Dir_Lokesh are working on a 10 MINUTE SHORT FILM that will reveal where it all started. It'll be released before #Kaithi2.

Dilli – Vikram – Amar – Rolex – Leo 🔥pic.twitter.com/lRTOMcGRLC

— Siddarth Srinivas (@sidhuwrites) December 13, 2023