குறைந்த நாட்களில் 200 கோடி வசூலை கடந்த அமரன் திரைப்படம் – தயாரிப்பு நிறுவனம் அதிகாரப்பூர்வ அறிவிப்பு..!!

தீபாவளி பண்டிகையை முன்னிட்டு உலகெங்கும் உள்ள திரையரங்குகளில் கோலாகலமாக வெளியான அமரன் திரைப்படம் 10 நாட்களில் செய்துள்ள வசூல் விவரத்தை படக்குழு அதிகாரப்பூர்வமாக அறிவித்துள்ளது.

ராஜ்குமார் பெரியசாமி இயக்கத்தில் சிவகார்த்திகேயன் , சாய்பல்லவி உள்ளிட்ட பல இளம் நட்சத்திரங்களின் வெறித்தனமான நடிப்பில் உருவான திரைப்படமே அமரன்.

கமலின் ராஜ்கமல் பிலிம்ஸ் தயாரிப்பில் உருவான இப்படம் தீபாவளி பண்டிகையை முன்னிட்டு கடந்த மாதம் 31 ஆம் தேதி உலகெங்கும் உள்ள திரையரங்குகளில் வெளியான நிலையில் இப்படத்திற்கு நல்ல வரவேற்பு கிடைத்து வருகிறது.

ராணுவ வீரரின் உண்மை கதையை மையமாக வைத்து உருவாக்கப்பட்ட இந்த படத்திற்கு ரசிகர்கள் தொடர்ந்து பேராதரவு கொடுத்து வரும் நிலையில் தற்போது இப்படம் 10 நாட்களில் செய்துள்ள வசூல் விவரம் வெளியாகி உள்ளது.

அதன்படி ராஜ்குமார் இயக்கத்தில் எஸ்.கே , சாய் பல்லவி உள்ளிட்டோர் நடித்துள்ள ‘அமரன்’ திரைப்படம் வெளியான 10 நாட்களில் உலகளவில் 200 கோடி வசூலை குவித்துள்ளதாக தயாரிப்பு நிறுவனம் சிறப்பு போஸ்டர் மூலம் அதிகாரப்பூர்வமாக அறிவித்துள்ளது.