“தனுஷ் இயக்கும் 2ஆவது படம்! D50 படத்தின் Shooting Update இதோ..!”

தனுஷின் 50வது திரைப்படமும் அவரது இயக்கத்தில் உருவாகும் இரண்டாவது திரைப்படமுமான ’D50’ திரைப்படத்தின் படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது முக்கிய அப்டேட்டை அவரே தனது சமூக வலைத்தளத்தில் தெரிவித்துள்ளார்.

தனுஷ் இயக்கத்தில் உருவான ’பா பாண்டி’ என்ற திரைப்படம் மிகப்பெரிய வெற்றி பெற்ற நிலையில் அவர் இயக்கத்தில் உருவாகும் 2வது படத்தில் தனுஷ் உடன் எஸ்ஜே சூர்யா, சந்தீப் கிஷான், துல்கர் சல்மான், அனிதா சுரேந்திரன், துஷாரா விஜயன், காளிதாஸ் ஜெயராம் உள்ளிட்டோர் நடித்து வந்தனர்.

வடசென்னை பின்னணியாக கொண்டு உருவாகி வரும் இந்த படத்தை சன் பிக்சர்ஸ் நிறுவனம் தயாரித்து வருகிறது. இந்த நிலையில் இந்த படத்தின் படப்பிடிப்பு முடிவு பெற்றதாகவும் இந்த படத்தின் பல பிடிப்புக்கு முழுமையான ஒத்துழைப்பு தந்த சன் பிக்சர்ஸ் நிறுவனம் மற்றும் கலாநிதி மாறன் ஆகியோர்களுக்கு தனது நன்றி என்றும் தெரிவித்துள்ளார்.

#D50 #DD2wrapped. My sincere thanks to the entire crew and cast. Also a big thanks to Kalanithi Maran sir and Sun Pictures for supporting my vision.

— Dhanush (@dhanushkraja) December 14, 2023

ஏற்கனவே தனுஷ் நடித்த ’கேப்டன் மில்லர்’ திரைப்படம் வரும் பொங்கல் திருநாளில் வெளியாக இருக்கும் நிலையில் ’D50’ திரைப்படமும் அதற்கு அடுத்த ஒரு சில மாதங்களில் வெளியாகும் என்று எதிர்பார்க்கப்படுகிறது. இந்த நிலையில் தனுஷ் அடுத்ததாக மூன்றாவது திரைப்படத்தை இயக்க இருப்பதாகவும் இந்த படத்தில் அவரது நெருங்கிய உறவினர் வருண் ஹீரோவாக நடித்த இருப்பதாகவும் கூறப்படுகிறது.