இலங்கையில் மட்டும் கோட் படம் இத்தனை கோடி வசூல் செய்ததா – வெளியான லேட்டஸ்ட் தகவல்..!!

உலககெங்கும் உள்ள திரையரங்குகளில் வெளியாகி சக்கை போடு போட்ட விஜயின் தி கோட் திரைப்படம் வசூலிலும் தூள் கிளப்பிய நிலையில் தற்போது இப்படம் இலங்கையில் செய்துள்ள வசூல் விவரம் வெளியாகி உள்ளது.

வெங்கட் பிரபு – விஜய் காம்போவில் முதல்முறை உருவான திரைப்படமே தி கோட். ஏ.ஜி.எஸ் நிறுவனத்தின் பிரம்மாண்ட பொருட் செலவில் உருவான இப்படத்தில் விஜயுடன் பிரபு தேவா , மோகன் , பிரஷாந்த் , வைபவ் , சினேகா ,லைலா , மீனாட்சி உள்ளிட்ட பலர் நடித்துள்ளனர்.

இப்படம் கடந்த மாதம் உலகம் முழுவதும் உள்ள திரையரங்குகளில் வெளியாகி ரசிகர்களின் அமோக ஆதரவை பெற்று உலகளவில் ரூ. 430 கோடிக்கும் மேல் வசூல் செய்தது .

இந்நிலையில் இப்படம் இலங்கையில் இதுவரை எந்த தமிழ் திரைப்படமும் செய்யாத வசூலை செய்துள்ளதாக தகவல் வெளியாகி உள்ளது .இலங்கையில் மட்டும் தி கோட் படம் ரூ. 30 கோடி வரை வசூல் செய்துள்ளதக திரைத்துறை வட்டாரங்கள் தெரிவித்துள்ளனர்.