எமோஷனல் காட்சியில் அபாரம் காட்டிய கவின் – Bloody Beggar படக்குழுவுக்கு இயக்குநர் லோகேஷ் கனகராஜ் புகழாரம்..!!

கவின் நடிப்பில் திரையரங்குகளில் வெளியாகி வெற்றி நடை போட்டுக்கொண்டிருக்கும் ‘Bloody Beggar’ படத்தை கண்ட லோகேஷ் கனகராஜ் படக்குழுவை வெகுவாக பாராட்டி உள்ளார்.

தமிழ் சினிமாவின் ஸ்டார் நாயகனாக வலம் வரும் கவின் நடிப்பில் தீபாவளி பண்டிகையை முன்னிட்டு கடந்த 31 ஆம் தேதி திரையரங்குகளில் வெளியான திரைப்படமே ‘Bloody Beggar’ .

அறிமுக இயக்குநர் சிவபாலன் முத்துக்குமார் இயக்கி உள்ள இப்படத்தில் கவினுடன் சேர்ந்து ஏரளமான திரை நட்சத்திரங்கள் நடித்துள்ளனர்.

இயக்குநர் நெல்சன் தயாரிக்கும் முதல் படமான இப்படத்தின் மீது ஏகபோக எதிர்பார்ப்பு ஏற்பட்டு வந்த நிலையில் தற்போது இப்படத்தின் விமர்சனங்கள் நல்ல முறையில் வந்துகொண்டிருக்கிறது .

ரசிகர்களை தாண்டி திரைநட்சத்திரங்களும் இப்படத்திற்கு நல்ல விமர்சனங்களை கொடுத்து வருகின்றனர் . அந்தவகையில் இன்று இப்படத்தை திரையரங்குகளில் கண்டு ரசித்த லோகேஷ் கனகராஜ் இப்படம் குறித்து கூறியதாவது :

எனக்கு படம் ரொம்ப புடிச்சிருந்துச்சு. இங்கிலீஷ்ல இந்த மாதிரி படங்கள் பாத்திருக்கேன். தமிழ்ல இப்பதான் பாக்குறேன். எமோஷனல் சீன்லாம், மெனக்கெடலே இல்லாம ரொம்ப ஈசியா கவின் நடிச்ச மாதிரி இருந்துச்சு.
கண்டிப்பா எல்லாரும் பாக்கணும் என லோகேஷ் கனகராஜ் தெரிவித்துள்ளார்.