இப்போ வேண்டாமே – அமரன் படக்குழுவுக்கு திரையரங்கு உரிமையாளர்கள் சங்கம் கோரிக்கை..!!

உண்மை சம்பவத்தை மையமாக வைத்து எடுக்கப்பட்ட அமரன் திரைப்படம் திரையரங்குகளில் வெற்றிகரமாக ஓடிக்கொண்டிருக்கும் நிலையில் தற்போது அமரன் படக்குழுவுக்கு திரையரங்கு உரிமையாளர்கள் சங்கம் கோரிக்கை ஒன்றை வைத்துள்ளனர்.

ராஜ்கமல் பிலிம்ஸ் தயாரிப்பில் ராஜ்குமார் இயக்கத்தில் பல வருடங்களாக பார்த்து பார்த்து செதுக்கப்பட்ட திரைப்படமே அமரன்.

தமிழ்நாட்டை சேர்ந்த மேஜர் முகுந்த் வரதராஜனின் வாழ்க்கையை மையமாக வைத்து எடுக்கப்பட்ட இப்படத்தில் மேஜர் முகுந்த் வரதராஜனாக சிவகார்த்திகேயன் நடித்து அசத்தியுள்ளார்.

சிவகார்திகேயன் , சாய்பல்லவி , ஸ்ரீ , லல்லு , உள்ளிட்ட பல முன்னணி நட்சத்திரங்களில் நடிப்பில் உருவான இப்படத்திற்கு ஜி.வி.பிரகாஷ் இசையமைத்துள்ளார்.

மாபெரும் எதிர்பார்ப்புக்கிடையே இப்படம் தீபாவளி பண்டிகையை முன்னிட்டு திரையரங்குகளில் வெளியான நிலையில் தற்போது இப்படம் மாபெரும் வெற்றியை பதிவு செய்து வருகிறது.

இந்நிலையில் தற்போது அமரன் படக்குழுவுக்கு திரையரங்கு உரிமையாளர்கள் சங்கம் கோரிக்கை ஒன்றை வைத்துள்ளனர்.

அமரன்’ திரைப்படம் அனைத்துத் திரையரங்குகளிலும் வெற்றிகரமாக ஓடிக்கொண்டிருப்பதால் அதன் OTT வெளியீட்டை தள்ளிவைக்க வேண்டும் என பட நிறுவனம் மற்றும் நடிகர் சிவகார்த்திகேயனுக்கு திரையரங்கு உரிமையாளர்கள் சங்கம் கோரிக்கை வைத்துள்ளனர்.

படம் வெளியான 8 வாரங்கள் கழித்து OTT-ல் வெளியிட வேண்டும் என திரையரங்கு உரிமையாளர்கள் சங்கம் அறிக்கை மூலம் கோரிக்கை வைத்துள்ளனர்.