இத்தனை ஹீரோயின்களா..? கார்த்தியின் சர்தார்- 2வில் இணைந்த பிரபல நடிகைகள்..யார் தெரியுமா..?

நடிகர் கார்த்தியின் நடிப்பில் சர்தார்- 2 திரைப்படம் தற்பொழுது உருவாகி வரும் நிலையில் இப்படத்தில் பிரபல நடிகைகள் இருவர் அதிகாரப்பூர்வமாக இணைந்துள்ளனர்.

பிரபல தமிழ் திரைப்பட நடிகர் கார்த்தியின் நடிப்பில் கடந்த 2022 ஆம் ஆண்டு வெளியான திரைப்படம் சர்தார் . பி.எஸ்.மித்ரன் இயக்கத்தில் உருவான இப்படம் வசூல் ரீதியாகவும் விமர்சன ரீதியாகவும் மாபெரும் வெற்றி படமாக உருவெடுத்தது.

இதையடுத்து கடந்த சில நாட்களுக்கு முன் சர்தார் படத்தின் இரண்டாம் பாகம் பூஜையுடன் தொடங்கியது. இப்படத்தின் படப்பிடிப்பு தொடங்கி தற்போது விறுவிறுப்பாக நடைபெற்று வரும் நிலையில் இப்படத்தில் நடிக்கப்போகும் நடிகர் நடிகைகள் குறித்த விவரங்கள் ஒவ்வென்றாக வெளியாகி வருகிறது.

முதல் பாகத்தை இரண்டாம் பாகத்திலும் 3 கதாநாயகிகள் இருப்பார்கள் என்று தகவல் வெளியாகி இருந்த நிலையில் தற்போது இப்படத்தில் நடிக்க பிரபல இளம் நடிகைகள் இருவர் இணைத்துள்ளதாக படக்குழு அதிகாரப்பூர்வ அறிவிப்பை வெளியிட்டுள்ளது .

அதன்படி இப்படத்தில் நடிகை மாளவிகா மோகனன் மற்றும் நடிகை ஆஷிகா ரங்கநாத் இணைந்துள்ளதாக சிறப்பு போஸ்டர் மூலம் படக்குழு அதிகாரப்பூர்வமாக அறிவித்துள்ளது .