க்றிஸ்டோஃபர் நோலன் படத்தில் இணையும் பிரபல காதல் ஜோடி.!!

பிரபல ஹாலிவுட் இயக்குநர் க்றிஸ்டோஃபர் நோலன் இயக்கம் புதிய படத்தில் பிரபல காதல் ஜோடி நடிக்க உள்ளதாக தகவல் வெளியாகி உள்ளது.

ஹாலிவுட் திரையுலகின் முன்னணி இயக்குநர்களில் ஒருவராக வலம் வருபவர் க்றிஸ்டோஃபர் நோலன் . இதுவரை பிரம்மிக்க வைக்கும் பல சூப்பர் ஹிட் படங்களை கொடுத்துள்ள இவர் Oppenheimer படத்துக்காக திரையுலகின் மிகவும் மதிக்கத்தக்க மற்றும் உயரிய விருதான ஆஸ்கர் விருதை வென்றார்.

தனது அசாத்திய படைப்பால் சினிமா ரசிகர்களின் மனதில் தனக்கென தனி இடம் பிடித்துள்ள க்றிஸ்டோஃபர் நோலன் இயக்கத்தில் தற்போது புதிய படம் ஒன்று உருவாகி வருகிறது.

யுனிவெர்சல் ஸ்டூடியோஸ் தயாரிக்கும் இப்படத்தில் டாம் ஹாலண்டுடன் இணைந்து ஜெண்டயா நடிக்கிறார் . மேலும் இவர்களுடன் மேட் டேமன், அன்னே ஹாத்வே உள்ளிட்டோரும் நடிப்பதாக அதிகாரப்பூர்வ தகவல் வெளியாகி உள்ளது .

மாபெரும் எதிர்பார்ப்பை ஏற்படுத்தி உள்ள இப்படம் 2026ம் ஆண்டு ஜூலை 17ம் தேதி திரைக்கு வரவுள்ளது குறிப்பிடத்தக்கது.