ஐபிஎல் ஏலத்தில் பதிவு செய்தது குறித்து முன்னாள் இங்கிலாந்து வீரர் ஜேம்ஸ் ஆண்டர்சன் ஓபன் டாக்..!!

2025 ஐபிஎல் ஏலத்தில் பதிவு செய்தது குறித்து முன்னாள் இங்கிலாந்து வீரர் ஜேம்ஸ் ஆண்டர்சன் ஓப்பனாக பேசியுள்ளது தற்போது செம வைரலாக வலம் வருகிறது.

அடுத்தாண்டு நடைபெற இருக்கும் ஐபிஎல் தொடருக்கான மெகா ஏலம் விரைவில் தொடங்கப்பட உள்ள நிலையில் தங்கள் அணியின் சில வீரர்களை விடுவித்து கொள்ளவும் சில வீரர்களை தக்கவைத்து கொள்ளவும் அணைத்து அணிகளுக்கும் அவகாசம் கொடுக்கப்பட்ட நிலையில் அவர்களின் பெயர்களை கடந்த சில நாட்களுக்கு முன் ஒவ்வொரு அணிகளும் வெளியிட்டன.

இதையடுத்து மெகா ஏலத்தில் கலந்துகொள்ள அனைத்து அணிகளும் தயாராக இருக்கும் நிலையில் மெகா ஏலம் சவூதி அரேபியாவில் விரைவில் நடைபெற உள்ளது.

இந்நிலையில் ஐபிஎல் தொடரில் விளையாட இந்த மெகா ஏலத்தில் பதிவு செய்துள்ள இங்கிலாந்து முன்னாள் வேகப்பந்து வீச்சாளர் ஜேம்ஸ் ஆண்டர்சன் ஏலம் குறித்தும் ஐபிஎல் தொடர் குறித்தும் மனம் திறந்து பேசியுள்ளார்.

இதுகுறித்து ஜேம்ஸ் ஆண்டர்சன் கூறியதாவது :

தொடர்ந்து கிரிக்கெட் விளையாட வேண்டும் என எனக்கு ஆசை உள்ளது. அதனால்தான் ஐபிஎல் ஏலத்தில் பதிவு செய்துள்ளேன். 42 வயதானாலும் நான் நல்ல உடல்தகுதியுடன் இருக்கிறேன் என நம்புகிறேன். இன்னும் 2-3 ஆண்டுகள் என்னால் விளையாட முடியும்.

இதுவரை எந்த அணியும் என்னை தொடர்புகொண்டு பேசவில்லை. நம்பிக்கையுடன் ஏலத்திற்கு காத்திருக்கிறேன் என ஜேம்ஸ் ஆண்டர்சன் தெரிவித்துள்ளார்.