இது என்னங்க புதுசா இருக்கு : ‘Game of Thrones’ கதாபாத்திர பெயரைக் கொண்ட சிறுமிக்கு பாஸ்போர்ட் மறுப்பு..!!

உலகம் முழுவதும் மிகவும் பிரபலமான ‘Game of Thrones’ வெப் தொடரில் இடம்பெற்ற கதாபாத்திர பெயரைக் கொண்ட சிறுமிக்கு இங்கிலாந்து அரசு பாஸ்போர்ட் மறுக்கப்பட்டது பெரும் சர்ச்சையை ஏற்படுத்தி உள்ளது.

உலககெங்கும் இருக்கும் ரசிகர்களால் பெரிதளவில் விரும்பப்பட்ட ‘Game of Thrones’ தொடரில் வரும் கலீஸி என்ற கதாபாத்திரத்தின் பெயரை வைத்திருந்ததால் 6 வயது சிறுமிக்கு இங்கிலாந்து பாஸ்போர்ட் அலுவலகம் பாஸ்போர்ட் தர மறுத்துள்ளது .

பாஸ்போர்ட் தர மறுத்தது மட்டுமல்லாமல் இந்த பெயரின் உரிமையாளரான Warner Brothers இடம் கடிதம் பெற்று வருமாறு கூறியதால் சிறுமியின் பெற்றோர்கள் அதிர்ச்சி அடைந்துள்ளனர்.

விடுமுறைக்கு ஆசை ஆசையாக டிஸ்னி லேண்ட் செல்ல திட்டமிட்டிருந்த இவர்கள் இச்சம்பவத்தால் பெரிதும் ஏமாற்றம் அடைந்துள்ளனர்.

இதையடுத்து சிறுமியின் தாய் லூசி இது குறித்து சமூக வலைதளத்தில் பதிவிட்டுள்ளார் . இந்த பதிவு வேகமாக பரவி வைரலாக பின்னர் இதற்கு உரிய நடவடிக்கை எடுக்கப்பட்டதுடன் பாஸ்போர்ட் அலுவலக ஊழியருக்கு தவறான அறிவுறுத்தல்கள் வழங்கப்பட்டதாகக் கூறி மன்னிப்பும் கோரியுள்ளனர்.