இது எளிதான விஷயமல்ல – ‘அமரன்’ படக்குழுவுக்கு இயக்குநர் அஷ்வத் மாரிமுத்து பாராட்டு..!!

மேஜர் முகுந்த் வரதராஜனின் வாழ்க்கையை மையமாக வைத்து எடுக்க பட்ட அமரன் திரைப்படம் திரையரங்குகளில் வெற்றிநடை போட்டு வரும் நிலையில் தற்போது இப்படத்தின் படக்குழுவுக்கு இயக்குநர் அஷ்வத் மாரிமுத்து மனதார பாராட்டு தெரிவித்துள்ளார்.

ராஜ்குமார் பெரியசாமி இயக்கத்தில் சிவகார்த்திகேயன் , சாய்ப்பல்லவி உள்ளிட்ட பல இளம் நட்சத்திரங்களின் கடின உழைப்பில் உருவான திரைப்படமே அமரன்.

ராஜ்கமல் பிலிம்ஸ் தயாரிப்பில் உருவான இப்படம் தீபாவளி பண்டிகையை முன்னிட்டு நேற்று உலகெங்கும் உள்ள திரையரங்குகளில் வெளியான நிலையில் இப்படத்திற்கு நல்ல வரவேற்பு கிடைத்து வருகிறது.

ரசிகர்கள் மட்டுமின்றி இப்படத்தை திரை நட்சத்திரங்களும் பார்த்து கொண்டாடி வருகின்றனர் . அந்தவகையில் பிரபல திரைப்பட இயக்குநரான அஷ்வத் மாரிமுத்து அமரன் படக்குழுவை வெகுவாக பாராட்டி உள்ளார்.

இதுகுறித்து அஷ்வத் மாரிமுத்து வெளியிட்டுள்ள வாழ்த்து செய்தியில் கூறிருப்பதாவது :

நான் ராணுவத்தில் சேர வேண்டும் என பெற்றோர் ஆசைப்பட்டனர். நுழைவுத் தேர்வில் வெற்றி பெற்றாலும் அங்கு செல்ல பயந்தேன். இன்று ‘அமரன்’ படத்தை பார்த்த பிறகு நான் தவறான முடிவை எடுத்து விட்டேனோ எனத் தோன்றியது. நான் அங்கு சென்றிருக்க வேண்டும்.

மேஜர் முகுந்தின் வாழ்க்கை வீரம் நிறைந்தது. சிவகார்த்திகேயன் அதனை முழுமையாக்கியுள்ளார். சாய் பல்லவியை போலவே நானும் அழுதேன். எல்லா துறையிலும் சிறப்பாக செயல்பட்டதற்காக இயக்குநர் ராஜ்குமார் பெரியசாமியை கொண்டாட வேண்டும். இது எளிதான விஷயமல்ல என அஷ்வத் மாரிமுத்து வெளியிட்டுள்ள வாழ்த்து செய்தியில் தெரிவிக்கப்பட்டுள்ளது.