“கவினின் STAR படத்தின் Photo Album வீடியோ வெளியானது! தலைவரின் பிறந்தநாளன்று அடுத்த Update?!

கவின் நடித்துவரும் ’ஸ்டார்’ படத்தின் படப்பிடிப்பு முடிவடைந்து தற்போது தொழில்நுட்ப பணிகள் நடைபெற்று வரும் நிலையில் இந்த படத்தின் புரமோஷன் பணியை ரஜினியின் பிறந்த நாளான டிசம்பர் 12 முதல் தொடங்க படக்குழுவினர் திட்டமிட்டுள்ளனர். அதன்படி முதல் கட்டமாக டிசம்பர் 12ஆம் தேதி இந்த படத்தின் சிங்கிள் பாடல் வெளியாக இருப்பதாக அறிவிக்கப்பட்டுள்ளது.

கவின் நடிப்பில் உருவாகி வரும் திரைப்படம் ’ஸ்டார்’. இந்த படத்தில் கவின் அதிதி பொஹங்கர், பிரீத்தி முகுந்தன் உள்ளிட்ட பலர் நடித்து வரும் நிலையில் இளன் இயக்கி வருகிறார். யுவன் சங்கர் ராஜா இசையில் உருவாகி வரும் இந்த படம் பிப்ரவரி 14-ஆம் தேதி காதலர் தினத்தில் வெளியாகும் என்று எதிர்பார்க்கப்படுகிறது.

இந்த நிலையில் சற்று முன் இந்த படத்தின் புரமோஷன் வீடியோ வெளியாகி உள்ள நிலையில் அந்த வீடியோவில் ரஜினி பிறந்த நாளான டிசம்பர் 12ஆம் தேதி இந்த படத்தின் சிங்கிள் பாடல் வெளியாகும் என்று அறிவிக்கப்பட்டுள்ளது. இதனை அடுத்து டீசர், டிரைலர் உள்பட அனைத்து புரோமோஷன் பணிகள் குறித்த அறிவிப்பும் அடுத்தடுத்து வெளியாகும் என்று எதிர்பார்க்கப்படுகிறது.

இந்த படத்தில் கவின் நடிகராக நடித்துள்ளார் என்பதும் அதனால் தான் ஸ்டார் என்ற டைட்டில் வைக்கப்பட்டுள்ளதாகவும் சற்று முன் வெளியான வீடியோவில் இருந்து தெரிய வருகிறது.