“HBD Rajinikanth: குடும்பத்துடன் Cake வெட்டி பிறந்தநாளை கொண்டாடிய தலைவர் ரஜினிகாந்த்! Viral Pic!”

இந்தியா சினிமான் சூப்பர் ஸ்டார் என்று ரசிகர்கள் மற்றும் பிரபலங்களால் அழைக்கப்படுபவர் நடிகர் ரஜினிகாந்த். இவர் இன்று தன்னுடைய 73 வது பிறந்தநாளை கொண்டாடுகிறார். அவரது பிறந்தநாளை அவரது மனைவி லதா, மகள்கள் ஐஸ்வர்யா ரஜினிகாந்த், செளந்தர்யா ரஜினிகாந்த் அவரது கணவர் மற்றும் குடும்பத்தினர் கேக் வெட்டி கொண்டாடி இருக்கின்றனர். இது தொடர்பான புகைப்படம் சமூகவலைதளங்களில் வைரல் ஆகி வருகிறது.

முன்னதாக, ரஜினிகாந்த் 1950 டிசம்பர் 12 அன்று பெங்களூரில் பிறந்தார். சிவாஜி ராவ் கெய்க்வாட் (ரஜினிகாந்த்) அவரது தந்தை ராமோஜி ராவின் நான்கு குழந்தைகளில் இளையவர். அவருக்கு ஐந்து வயதாக இருந்தபோது அவரது தாயார் ஜீஜாபாய் இறந்துவிட்டார். வீட்டில் நிலைமை மோசமடைந்ததால், ரஜினிகாந்த் சுமை தூக்கும் தொழிலாளியாக பணியாற்ற வேண்டியிருந்தது.

வளர்ந்ததும் பஸ் கண்டக்டராகப் பணியாற்றத் தொடங்கினார். இதனிடையே ரஜினிகாந்திற்கு நடிகராக வேண்டும் என்ற ஆசை வந்தது. அவருடைய சிறப்பு நண்பர் ராஜ் பகதூர் இதை நன்கு அறிந்திருந்தார். ரஜினிகாந்தை மெட்ராஸ் ஃபிலிம் இன்ஸ்டிடியூட்டில் சேருமாறு கூறினார். அத்தோடு நிற்காமல் அந்த பயணத்தின் ஒவ்வொரு அடியிலும் அவருக்கு உறுதுணையாக நின்றார்.

1975ல் வெளியான ‘அபூர்வ ராகங்கள்’ படத்தில் ரஜினிகாந்துக்கு முதல் பிரேக் கிடைத்தது. ஹீரோவாகும் லட்சியம் இன்னும் தொலைவில் இருந்தாலும், படத்தில் நெகட்டிவ் ரோலில் நடித்ததால், ரஜினிகாந்த் மிகவும் விரும்பப்படத் தொடங்கினார். இவர் நடித்த ‘பில்லா’ படம் பாக்ஸ் ஆபிஸில் பெரிய வெற்றி பெற்றது. அதன் பின்னர் ரஜினிகாந்த் அமைத்த ராஜபாட்டை அனைவரும் அறிந்ததே!

#HappyBirthdaySuperstar 💥🔥❤️ pic.twitter.com/8leocX7d74

— Christopher Kanagaraj (@Chrissuccess) December 12, 2023