தனுஷ் இயக்கி நடிக்கும் ‘இட்லி கடை’ படத்தின் புதிய அப்டேட் வெளியானது..!!

தனுஷ் இயக்கி நடிக்கும் ‘இட்லி கடை’ படத்தின் புதிய அப்டேட் வெளியாகி ரசிகர்களை குஷியாக்கி உள்ளது .

இந்திய திரையுலகில் இருக்கும் முன்னணி நடிகர்களில் ஒருவராக வலம் வரும் நடிகர் தனுஷ் இந்திய திரைப்படங்களை தாண்டி ஹாலிவுட்டிலும் கால் பதித்து தனது திறமையை வானுயர செய்துள்ளார்.

நடிப்பு , பாடல் எழுதுவது , படுவது , தயாரிப்பது என பன்முக கலைஞராக இருந்து வரும் தனுஷ் தற்போது படம் இயக்குவதில் சிறந்து விளங்கி வருகிறார். அந்தவகையில் இவர் இயக்கி நடித்த ராயன் படம் வசூல் ரீதியாவும் விமர்சன ரீதியாவதும் மாபெரும் வெற்றிப்படமாக உருவெடுத்தது.

இதையடுத்து இவரது இயக்கத்தில் உருவாகும் அடுத்த படம் குறித்த அறிவிப்பு கடந்த சில நாட்களுக்கு முன் வெளியானது. ‘இட்லி கடை’ என பெயரிடப்பட்டுள்ள இப்படம் எந்த மாதிரியான கதைக்களம் என இன்னும் தெரியாமல் இருக்கும் நிலையில் படத்தில் நடிக்கும் நடிகர் நடிகைகள் குறித்த விவரங்களும் இன்னும் வெளியாகமல் உள்ளது.

இந்நிலையில் ‘இட்லி கடை’ படத்தின் புதிய அப்டேட் ஒன்று வெளியாகி உள்ளது. அதன்படி தனுஷ் இயக்கி, நடிக்கும் ‘இட்லி கடை’ திரைப்படம் அடுத்தாண்டு ஏப்ரல் 10-ம் தேதி வெளியாகும் என சிறப்பு போஸ்டர் மூலம் படக்குழு அறிவித்துள்ளது.