கிருத்திகா உதயநிதி இயக்கத்தில் உருவான ‘காதலிக்க நேரமில்லை’ படத்தின் படப்பிடிப்பு நிறைவு..!!

கிருத்திகா உதயநிதி இயக்கத்தில் விறுவிறுப்பாக உருவாகி வந்த ‘காதலிக்க நேரமில்லை’ படத்தின் படப்பிடிப்பு நிறைவடைந்துள்ளதாக படக்குழு அதிகாரபூர்வமாக அறிவித்துள்ளது.

நடிகரும் தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் அவர்களின் மனைவி தான் கிருத்திகா.

சினிமா மீதி அதீத காதல் கொண்ட கிருத்திகா ‘வணக்கம் சென்னை’ என்ற படத்தின் மூலம் தமிழ் சினிமாவில் இயக்குநராக அறிமுகமானார் .

இந்த படம் பட்டி தொட்டி எங்கும் செம பேமஸ் ஆக முதல் படத்திலேயே ரசிகர்களின் மனதில் தனக்கென தனி இடம் பிடித்துவிட்டார் .

இதையடுத்து சில சூப்பர் ஹிட் படங்களை கொடுத்த இவரது இயக்கத்தில் அடுத்ததாக வெளியாக உள்ள திரைப்படம் தான் ‘காதலிக்க நேரமில்லை’.

ஜெயம் ரவி கதையின் நாயகனாக நடிக்கும் இப்படத்தில் நித்யா மேனன், யோகி பாபு, லால், வினய், லக்‌ஷ்மி ராமகிருஷ்ணன், பாடகர் மனோ, TJ பானு, ஜான் கோகேன், வினோதினி உள்ளிட்ட பல முன்னணி நட்சத்திரங்கள் நடிக்கின்றனர்.

ரெட் ஜெயன்ட் மூவிஸ் தயாரிப்பில் ஏ.ஆர்.ரஹ்மான் இசையமைப்பில் உருவாகும் இந்த படத்தின் முதல் தோற்றம் அண்மையில் வெளியாகி நல்ல வரவேற்பை பெற்ற நிலையில் தற்போது இந்த படத்தின் படப்பிடிப்பு நிறைவடைந்துள்ளதாக படக்குழு அதிகாரப்பூர்வமாக அறிவித்துள்ளது .

இதுமட்டுமின்றி படப்பிடிப்பு வெற்றிகரமாக நிறைவடைந்ததை படக்குழு கேக் வெட்டியும் கொண்டாடி உள்ளது. அதன் புகைப்படங்களும் இணையத்தில் வெளியாகி செம வைரலாகி வருகிறது.