அமமுக தேர்தல் கூட்டணி சிறப்பான தரமான அப்டேட் கொடுத்த டிடிவி தினகரன் – அப்போ அவங்க கூட கைகோர்த்திருவாரோ..

மதுரை மற்றும் நெல்லை மண்டல அமமுக தேர்தல் பொறுப்பாளர்கள் ஆலோசனை கூட்டம் மதுரையில் உள்ள பிரபல தனியார் ஹோட்டலில் உள்ள அரங்கில் நடைபெற்றது.

இந்நிகழ்ச்சியில் கலந்துகொண்ட பின் செய்தியாளர்களை சந்தித்த அமமுக பொதுச்செயலாளர் டிடிவி தினகரன் பேசியதாவது :

அமமுகவின் தேர்தல் கூட்டணி குறித்து டிசம்பர் இறுதியிலோ அல்லது ஜனவரியிலோ முடிவாகும். அம்மாவின் தொண்டர்கள் அனைவரும் ஒன்றிணைந்து பணியாற்ற வேண்டும் என்பது எங்களது கோரிக்கை. அதனால் பன்னீர்செல்வம் எங்களோடு பணியாற்றி வருகிறார் . எங்களோடு வருபவர்கள் அனைவரோடும் சேர்ந்து பணியாற்றுவோம்.

கடல்நீரில் கலந்த எண்ணெயை அகற்றுவதற்கான உரிய உபகரணங்களை கொண்டு அதனை நீக்க வேண்டும் என நாங்கள் கோரிக்கை விடுக்கிறோம்.

இம்முறை எங்கள் கூட்டணி பலமாக இருக்கும் நாங்கள் யாருடன் கூட்டணி வைக்கப்போகிறோம் என்பதை முன்பு சொன்னது போல் டிசம்பர் இறுதியிலோ அல்லது ஜனவரியிலோ முடிவு செய்து உங்களுக்கு முறைப்படி அறிவிக்கிறோம் என டிடிவி தினகரன் தெரிவித்துள்ளார்.