திரையரங்குகளில் பட்டயகிளப்பும் வடக்குப்பட்டி ராமசாமி – இதுவரை செய்துள்ள வசூல் எவ்ளோ தெரியுமா..?

சந்தானத்தின் மாறுபட்ட நடிப்பில் உருவாகி உள்ள வடக்குப்பட்டி ராமசாமி திரைப்படத்தின் லேட்டஸ்ட் வசூல் விவரம் வெளியாகி உள்ளது.

தமிழ் சினிமாவில் நகைச்சுவை படங்களுக்கு பெயர்போன நடிகராக வலம் வருபவர் நடிகர் சந்தானம்.இவரது நடிப்பில் உருவாகி திரையரங்குகளில் கோலாகலமாக வெளியாகி உள்ள திரைப்படம் தான் வடக்குப்பட்டி ராமசாமி.

இயக்குநர் கார்த்திக் யோகி இயக்கியுள்ள இப்படத்திற்கு ஷான் ரோல்டன் இசையமைத்துள்ளார். மேலும், இந்த படத்தில் சந்தானத்துடன் சேர்ந்து ஜான் விஜய், எம்.எஸ்.பாஸ்கர், மேகா ஆகாஷ், ரவி மரியா, மாறன், மொட்ட ராஜேந்திரன், நிழல்கள் ரவி, சேஷு, இட் ஈஸ் பிரசாந்த், ஜாக்குலின் மற்றும் பல முன்னணி நட்சத்திரங்கள் நடித்துள்ளனர்.

இத்திரைப்படம் வரும் கடந்த 2 ஆம் தேதி திரையரங்குகளில் கோலாகலமாக வெளியாகி இருக்கும் நிலையில் இப்படத்திற்கு ரசிகர்கள் மத்தியில் நல்ல வரவேற்பு கிடைத்த வருவதாக தகவல் வெளியாகி உள்ளது.

படம் முழுக்க காமெடி சரவெடிகளை கொளுத்தி போட்டிருக்கும் படக்குழு எடுத்த முயற்சிகள் அனைத்தும் நல்லபடி ஒர்க்கவுட் ஆகியுள்ளதால் இப்படம் நடிகர் சந்தானத்திற்கு வெற்றிப்படமாக மாறியுள்ளது.

இந்நிலையில், மக்கள் மத்தியில் நல்ல விமர்சனங்களை பெற்று வரும் வடக்குப்பட்டி ராமசாமி திரைப்படம் உலகளவில் இதுநாள் வரை சுமார் 3 கோடிகளுக்கு மேல் வசூல் செய்துள்ளதாக திரைத்துறை வட்டாரங்கள் தகவல் தெரிவித்துள்ளனர் .